ក្នុងឱកាសឯកឧត្តម ឧបនាយករដ្ឋមន្ត្រី ហោ ណាំហុង ជួបប្រជុំការងារជាមួយឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេសនៃសាធារណរដ្ឋប្រជាមានិតចិន នៅថ្ងៃទី១១ ខែតុលា ២០២០។ ឯកឧត្តម ឧបនាយករដ្ឋមន្ត្រី បានលើកជាអាទិ៍ថា ការប្រើប្រាស់ឥណទានសម្បទាន(Loan) និងហិរញ្ញប្បទានឥតសំណង(Grant) សម្រាប់បេក្ខភាពគម្រោងអាទិភាពឆ្នាំ២០២០ ដើម្បីអនុវត្តន៍គម្រោងចំនួន៨ រួមមាន៖
- គម្រោងត្រៀមចុះហត្ថលេខាមាន៖
- គម្រោងខ្សែកាប្លិ៍អុបទិកក្រោមបាតសមុទ្រ ទីក្រុងព្រះសីហនុ-ទីក្រុងហុងកុង។
- គម្រោងសាងសង់ផ្លូវជាតិលេខ71C
- គម្រោងខ្សែបញ្ជូនអគ្គិសនីជនបទជំហានទី៧
- គម្រោងជម្រុញផលិកម្មស្រូវ និងនាំចេញអង្ករ។
- គម្រោងដែលកំពុងរៀបចំមាន៖
- គម្រោងប្រព័ន្ធស្រោចស្រព និងការពារទឹកជំនន់ស្ទឹងព្រែកត្នោត
- គម្រោងពង្រីក និងលើកកម្រិតផ្លូវជាតិលេខ៤១ លេខ៣៣ និងលេខ៣១។
ក្នុងឱកាសនេះដែរ ឯកឧត្តម ឧបនាយករដ្ឋមន្ត្រី ស្នើមិត្តចិនជួយដោះស្រាយបញ្ហាផ្ដាច់មុខរបស់ក្រុមហ៊ុន COFCO របស់ចិន ដែលជារបាំងសម្រាប់ការនាំចូលអង្ករកម្ពុជា ដែលមានចំនួន៤០០.០០០តោន។
ឯកឧត្តម ឧបនាយករដ្ឋមន្ត្រី លើកទៀតថា ភាគីមិត្តចិនបានយល់ព្រមទិញស្វាយ(ដែលបានចុះអនុស្សារណរួចហើយ) និងត្រីទៅប្រទេសចិន ស្នើជំរុញការនាំចូលឲ្យបានឆាប់។
ឆ្លៀតឱកាសនេះដែរ ឯកឧត្តម ឧបនាយករដ្ឋមន្ត្រី បានលើកថា កន្លងមកមិត្តចិនបានទិញកសិផលយើងបានច្រើនមួយចំនួនហើយ ដូចជាចេក ស្វាយ ដំឡូងមី កៅស៊ូ គ្រាប់ស្វាយចន្ទីជាដើម ខ្ញុំក៏បានស្នើមិត្តចិនជួយទិញឲ្យបានច្រើនថែមទៀត ព្រមទាំងស្នើឲ្យមិត្តចិនជួយទិញ៖ ម្រេច ទុរេន ស្ករស ផ្លែតាង៉ែន។ល។
លើសពីនេះ ឯកឧត្តម ឧបនាយករដ្ឋមន្ត្រី ស្នើភាគីមិត្តចិនពិនិត្យលទ្ធភាពលើកទឹកចិត្តដល់វិនិយោគិនចិនក្នុងការផ្ទេររោងចក្រពីប្រទេសចិន មកប្រទេសកម្ពុជាឲ្យបានច្រើន ស្របតាមគោលនយោបាយជាតិ អភិវឌ្ឍន៍កសិកម្ម។
ឯកឧត្តម ឧបនាយករដ្ឋមន្ត្រី ក៏បានលើកករណីវ៉ាក់សាំងការពារជម្ងឺកូវីដ១៩ ដែលអាចប្រើប្រាស់ជាផ្លូវការបាន ស្នើភាគីមិត្តចិនផ្តល់វ៉ាក់ សាំងនេះ ជាអំណោយដល់ប្រទេសកម្ពុជា។
ឯកឧត្តម វ៉ាង យី បានលើកជាអាទិ៍ដូចតទៅ៖
រដ្ឋាភិបាល និងប្រជាជនចិន ចងចាំមិនភ្លេចនូវដំណើរទស្សនៈកិច្ចរបស់ សម្ដេចតេជោ កាលពីខែកុម្ភៈកន្លងមក។
ការចុះហត្ថលេខា FTA នៅថ្ងៃនេះ គឺដោយសារសម្ដេចតេជោ និងឯកឧត្តម ឧបនាយករដ្ឋមន្ត្រី បានខិតខំកន្លងមក។
ក្រោយ Covid-19 ចិន និងកម្ពុជានឹងរៀបចំផែនការអភិវឌ្ឍរួមគ្នា។
វិនិយោគចិននៅកម្ពុជាមិនបានប៉ះពាល់ដោយCovid-19 ទេ តែកាន់តែមានច្រើន។
ភាគីមិត្តចិនបានប្រគល់នូវកំណត់ទូតអំពីជំនួយឥតសំណងសម្រាប់គម្រោងសម្រប្រញាប់ក្នុងការអភិវឌ្ឍកម្ពុជាដែលមានទឹកប្រាក់ចំនួន950លានយាន់(ប្រហែល140លានដុល្លារ)។
ចិននឹងផ្ដល់វ៉ាក់សាំងប្រឆាំងនិង Covid-19 ដល់ប្រទេសកំពុងអភិវឌ្ឍន៍ ជាពិសេសកម្ពុជា ជាមិត្តដែកថែប
សន្យានាំចូលកសិផលកម្ពុជាថែមទៀតដែលមានគុណភាព តាមសំណើរបស់កម្ពុជា។
ចិននឹងពង្រីកកិច្ចសហប្រតិបត្តិការលើវិស័យផ្សេងៗទៀត។
ចិនបានផ្ដួចផ្ដើមគំនិតការពារសុវត្ថិភាពទិន្នន័យ ឌីជីថល ស្នើអោយកម្ពុជាគាំទ្រ។
ឯកឧត្តម វ៉ាង យី ក៏បានលើកសរសើរសម្ដេចតេជោ ដែលបានទប់ស្កាត់ Covid-19 បានជោគជ័យ។ ឯកឧត្តម ឧបនាយករដ្ឋមន្ត្រីបានឆ្លើយថា កម្ពុជានឹងចិន បានទទួលជោគជ័យរួមក្នុងការទប់ស្កាត់ Covid-19។
មុនបញ្ចប់ ឯកឧត្តម វ៉ាង យី បានលើកថា ឯកឧត្តម ឧបនាយករដ្ឋមន្ត្រី ជាមិត្តចាស់របស់ចិនជាអ្នកការទូត និងនយោបាយជើងចាស់ដែលគាត់សុំរៀនសូត្រតាម។